Gedən Necə Dönər?

Bir çox adamdan eyni sualı eşidirəm. "Sevgilim məni tərk etdi necə qaytarım, Candan xanım?" yazılı onlarla cümlə düşür məktub qutuma hər gün. İçim ağrıyır əlbəttə! Bitən hər şey ardında bir az hüzn buraxır.

Gedəndən geriyə qalan ürək artığının adı - çarəsizlik! Bir şəkildə çıxış axtarır insan amma əbəs bir səy deyilmi gedəni qaytarmaq?

Əvvəla, bir gediş varsa ortada bu səbəbsiz deyil. Doğru, səhv, yaxşı, pis, bəyənək ya da bəyənməyək, haqq verək ya da haqsız bilək; özlüyündə bir səbəbi vardır gedənin. Heç bir gediş əslində o anın hərəkəti deyil.Əvvəlində yığılmış şeylər vardır.

Getmə qərarı nadir olaraq qəflətən verilər.  Ümumiyyətlə gedəcəyinin siqnallarını daha əvvəldən vermişdir gedən. Sınamışdır, gözləmişdir ,ağılındakı suallara bir cavab axtarmışdır.

Bizə məntiqli gəlməsə də özlüyündə bir çıxmazın içindədir gedən. İstədiyini əldə edə bilməmişdir, axtardığını tapa bilməmişdir. O zaman o qədər vaxtı niyə keçirər deyə soruşacaqsınız mütləq! Çünki o müddəti bitirmədən qərar verilə bilməz!

Birini həyatına daxil edib etməyəcəyini, onunla eyni yolda gedib gedə bilməyəcəyini necə təyin edərsən? Çörək alır kimi alınmaz ki insan! Əlbəttə bir  az zamana ehtiyac duyarsan. Bura qədər bir problem yoxdur da.Hadisə keçirilən müddətin uzanmasıyla başlar. Nə qədər uzun qalsa o qədər gözlədər bizi. Eyni nöqtəyə vurduğumuzu, sanıb üstəlik gələcəklə bağlı xəyal qurmağa da başlarıq təbii olaraq.

Yəqin işin pik nöqtəsi də ora! Qarşındakına həyatının mənası qədər dəyər vermədən əvvəl yaxşı düşünmək lazımdır. Gözləməyə çevrilən zamanlar sonunda bizi yaralayır.

Gedən  necə dönər mən də bilmirəm. Üstəlik bunun üstünə heç beynimi  də yormuram. Məni maraqlandıran qisim getdikdən sonra qalanın həyatına davam etməsi. Getməyi fikrinə qoymuşsa biri dünya keçsə önünə dayandıra bilməz. Ayrıca niyə dayandıraq? Zorla qalanın sevgisinə necə etibar etmək olar ki? Nə gözlənilər məcburən  yanında qalandan?

Ortada həqiqətən bir problem varsa getmə mərhələsinə gəlmədən qurtarılmalıdır əlaqələr. Avaralığından getmək istəmişsə gedən yolu açıq olsun! Şairin dediyi kimi; bir çox gedənin hər biri məmnun ki yerindən….

Candan Ünal

P.S.Tərcümədir. Çox sevdiyim Candan Ünal qələmi yenə də. Əslində həqiqətdir. Kimisə zorla tutub saxlamaq lazım deyil. Gedirsə getsin, təlxək getdi deyə heç bir  kralın taxtı yıxılmaz.